Homzmart

أسوأ تجربة ليا في حياتي ولا انصح أي حد يشتري منهم مهما كانت المغريات. عشان حقيقي المجهود اللي هتاخده عشان تاخد حقك بجد ميستاهلش خالص مهما كان السعر. انا اشتريت دولاب ووصل في ميعاده عادي خالص ولكن من هنا بدأت المشاكل. اولاً الدولاب بيجي ومن غير تركيب، وكمان نجري وراهم عشان التركيب وبعد كده نكتشف ان الدولاب جاي ناقص. طيب تمام ياجماعة النواقص هتيجي امتي؟ طبعاً نقاشات ومداولات وقلة احترافية ومهنية واستفزاز وبعد اسبوع ونص النواقص تيجي ولا كأنهم كانوا بيصنعوه من اول وجديد. نخلص كده، لا طبعاً. وقت التركيب بقي... نكتشف ان مفيش اكسسوارات للدولاب ولا مسامير بعد ما اتفك. طبعاً دي قصة تانية خالص وبرضه جري وراهم ولا حياة لمن تنادي. وكمان نكتشف ان المنتج اصلاً بعد ما اتفك وانا شفته متكسر ومتخربش وطالع عينه، مش عارف كانوا بيعملوا فيه ايه!!! المهم في الاخر الواحد قرر بقي ايه انه يرجع المنتج. طبعاً لسه في حوارات! قمة قمة الاستهتار وعدم اللامبالاه بالعملاء انا بقالي شهر والفلوس مرجعتش والمضحك في الموضوع ان وقت الاسترداد جم واخدوا الحاجه في اقل من ٤ ساعات. يعني انتم بتعرفوا تتعاملوا اهو. والله الواحد مش هيسيبهم ان شالله لو هيدفع قد اللي هياخدوا منهم بس اللي بيحصل ده اقل ما يقال عنه انهم نصايبين. ومش هسيبهم الا لما اخد فلوسي ان شاء الله.